أبوذیّات و هوسات مفصّلات
ادگ والظم شعر وأنثر کلامای
وأفهم إلاصم و إلأبکم کلامای
یبو إرویشد وصل کضّک کلامای
الزمک وین تشرد یا نویّه
...
الهوسه ابهوسه جاوبها او ابوذیّه ابأبوذیّه
البیه غیره او حمیّه او عون لا تتدنّه شاطیّه
اذا طگک رمح چتّال تتحمّل بلاویّه
احنه اصگور البر والطار انصیده
...
ما اعابی الیخون اویای بس ماطب کتر بیته
اخلیهه مع اللّه اویاه عدو من ضرنی عرفیته
ابحلم و ابعلم و ابتفسیر درب الخوّه سدیته
او حگّه ابیومه ایبیّن کلمن ملزومه
...
یهل تنشد علی الخوّان روح انشد علی ارباهم
طینتهم صبخ لو گاع حرّی اتنشط الواهم
هذوله البیهم الابطال او شقیق الهم القاداهم
الشایل منهم تحزن له الدیره
...
اشما انشد علی الطیبین حلوه اتلوگ گعدتهم
ابمضایفهم اشیوخ اسباع من ابطالنه انعدهم
اهل غیره او حمیّه او سیف دوم الحگ یواعدهم
ینهض لو یگرب خطّار النیبه
...
شعد مافرزن الطیبین کل الدیره خوّانی
ما حاسب غریب الدار و ابکل بیت دیوانی
و اتحزّم له نص اللیل للی راد ینخانی
هل حید ابدع جیت اوفیله
...
تهانی الکل عمامی اسباع الغایبهم او حاضرهم
امجربهم اسود الدار بالمیدان شاطرهم
هذوله التاج فوگ الراس یاویله الیزامطهم
نص لیل او فز شب ابناره
...
العرب کل العرب خوّان سور النه قبایلهم
ابعید او کافی بالمکتوب تندهنه رسایلهم
امانه اهل الصدگ بالعوز عوایلنه عوایلهم
دم واحد یجری ابشریانی
...
ابوکت الموزمه انسمّیه الحاضر بالصداء انعدّه
شسمّی الّی یخون اعضاه خایف لو خلف وعده
لمّه او لم الیواسیه تنک ینباع بالخرده
ضم راسه او کشّف سیگانه
...
اویلاه الهتف ما عاد یم ازمورهن ویهد
تحزّم بالفشگ مندوم یهز الگاع من یرعد
ما ضاع ابن های الگاع الاصل عنوان للینشد
مهیوب الکل هذا اهوازی
...
ارید احزن حزن مو ثوب گلبی الیوم احزننّه
علی الما ودعانی او شال امسافر وارد اتبعنّه
لاکن بالگبر مدفون او منّه خابت الضنّه
یا عینی ابچی اعلی الربّانی
...
الشالوا جسمه بالتابوت روحی فرفرت صوبه
طیّب مبتسم شفناه مطروح ابطن ثوبه
عود او سیّد الدیوان ابغیابه الدّنیا مگلوبه
دولاب او طگ هالدیره چا وین اعضاهه
...
ابهوسه اعتب علی الخوّان البیه شیمه ارد احمدنّه
الاصیل او ابن ناس اشراف ابهم اخوانه اعرفنّه
اذا سل سیفه وکت الضیج بالمیدان و اتعنّه
والباطل یزهق و الحگ بیه شاره
...
بالک تسترک اعضاک الهم رب یباریهم
اجیوش ابساحة المیدان یحتار الیعادیهم
العگل خلّیه درب مفتوح باشرهم او حاچیهم
العجده التنحل بصبع گصهه ایخل بیهه
...
جاسم ثعلبی الحسّانی 25/06/1400
:: برچسب‌ها:
أبوذیّات و هوسات مفصّلات ,
:: بازدید از این مطلب : 1779
|
امتیاز مطلب : 0
|
تعداد امتیازدهندگان : 0
|
مجموع امتیاز : 0
عضو شوید
عضویت سریع
آمار مطالب
آمار بازدید
